ჩვენი მისიაა ხელი შევუწყოთ შიდა ქართლის რეგიონში ინფორმირებული და განათლებული საზოგადოების ფორმირებას, რომელიც ეფექტურად იცავს სამოქალაქო ინტერესებს, აქვს წვდომა საჭირო ინფრასტრუქტურაზე და უზრუნველყოფილია მისი კეთილდღეობა. ამისათვის ა(ა)იპ ,,ბეთლემი“ სხვადასხვა საგანმანათლებლო და კულტურული პროგრამების განხორციელებით, თანამედროვე ტექნოლოგიებისა და ადამიანის უფლებებზე დაფუძნებული მიდგომების დანერგვით, ზრუნავს მოსახლეობაში, განსაკუთრებით კი ახალგაზრდებში სამოქალაქო თვითშეგნებისა და ცნობიერების ამაღლებაზე.

ჩვენ ვხედავთ მომავალს, სადაც შიდა ქართლის რეგიონში იარსებებს ძლიერი და განვითარებული საზოგადოება, სადაც დაცულია ადამიანის უფლებები და მინიმუმამდეა შემცირებული სოციალური უთანასწორობა და სიღარიბე. ეს მომავალი ასახავს ჩვენს მისწრაფებებს და ამბიციას და ქმნის ნოყიერ ნიადაგს შემდგომი განვითარებისთვის და პროცესის ყველა მონაწილის კეთილდღეობისთვის.

·  სოციალური პასუხისმგებლობა - ორგანიზაცია ეყდნობა სოლიდარობის, თანასწორობის, ინკლუზიისა და სოციალური პასუხისმგებლობის ღირებულებებს. შესაბამისად, ორგანიზაცია დიდ ყურადღებას უთმობს ქართულ საზოგადოებაში არსებულ სოციალურ პრობლემებს: სიღარიბეს, სოციალურ, ეკონომიკურ, გენდერულ უთანასწორობას, სხვადასხვა სოციალური ჯგუფის ინტეგრაციასთან დაკავშირებულ სირთულეებს.

· გამჭვირვალობა და კეთილსინდისიერება - ორგანიზაცია ცდილობს საქმიანობების განორციელებისას იმოქმედოს გამჭვირვალედ და მისი საქმიანობის შესახებ ანგარიშვალდებული იყოს საზოგადოებასთან. სწორედ ანგარიშვალდებულებისა და პასუხისმგებლობის პრინციპების საფუძველზე მოქმედებს ყოველდღიურ საქმიანობაში და გადაწყვეტილების მიღების დროს.  

· მრავალფეროვნების პატივისცემა - ორგანიზაცია ცდილობს საქმიანობები ისე დაგეგმოს და განახორციელოს, რომ უზრუნველყოფილი იყოს ბენეფიციარებისთვის სერვისების მიწოდება ერთი მხრივ, მათი მრავალფეროვანი იდენტობების და მახასიათებლების გათვალისწინებით და მეორე მხრივ, არ დაუშვას დისკრიმინაციული მოპყრობა რაიმე ნიშნით.

ამჟამად ორგანიზაცია მუშაობს  ხუთი  მიმართულებით:

1. ახალგაზრდების გაძლიერება  არაფორმალური და პროფესიული განათლების პროგრამებით; 

2. ხანდაზმულებისთვის სოციალური სერვისების მიწოდება და მათი საზოგადოებაში ინტეგრაციის ხელშეწყობა.

3. ცნობიერების ამაღლება ქალებში გენდერული თანასწორობის საკითხებზე, მათ შორის გენდერული ძალადობის ფორმების, ადრეულ ასაკში ქორწინების, გადაწყვეტილების მიღების პროცესში ქალების ჩართულობის შესახებ;

4. გამყოფი ხაზის მიმდებარედ ქალთა სოციალურ-ეკონომიკური მდგომარეობის გაუმჯობესების ხელშეწყობა;

5. უკრაინელი ემიგრანტების ადგილობრივ თემში ინტეგრაციის ხელშეწყობა.

ბენეფიციარები

· მარტოხელა, სიღარიბის ზღვარს ქვემოთ მყოფ ოჯახებში მცხოვრები ხანდაზმულები;

· სოფლად მცხოვრები საქართველოს ოკუპირებული ტერიტორიებიდან დევნილი და ადგილობრივი ქალები და ახალგაზრდები;

· უკრაინელი ემიგრანტები. ესეც მე დავამატე, თუ ზედმეტია არ ჩავსვათ