ვიზიტი სკრის დევნილთა ჩასახლებაში
- Read Time: 1 min
ახალგაზრდული შემოქმედების დღესასწაული სკრის დევნილთა დასახლებაში! ქვის მოცეკვავეებმა, წარმოსახვითმა არსებებმა, ხელნაკეთმა სამკაულებმა და თექის ხეებმა ახალგაზრდული ცენტრის სივრცე ჯადოსნურ სამყაროდ აქცია.
ეს ხელნაკეთი ფანტასმაგორია შექმნილია 30 ახალგაზრდის მიერ, რომლებიც გასული ოთხი თვის მანძილზე ხელოვნების ტრენინგში მონაწილეობდნენ. ინიციატივის ორგანიზატორია ადგილობრივი „ასოციაცია ბეთლემი“ ევროკავშირისა და გაეროს განვითარების პროგრამის მხარდაჭერით.
წარმოუდგენლად ვამაყობთ, რომ მხარს ვუჭერთ ამ ბავშვებს საკუთარი თავის აღმოჩენისა და სწავლის გზაზე. ევროკავშირი და გაეროს განვითარების პროგრამა, EU4Dialogue პროექტის მეშვეობითა და სამოქალაქო საზოგადოებასთან თანამშრომლობით, განაგრძობენ კონფლიქტით დაზარალებული მოსახლეობის ხელშეწყობას როგორც შიდა ქართლში, ისე საქართველოს სხვა რეგიონებში.